CONTARINUS Franciscus

CONTARINUS Franciscus

Venetus, Philosophiam Patavii docuit, Legatus ad Pium II. Senensibus contra Florentinos suppetias tulit, expeditionis huius scriptor. Voss. de Hist. Lat. l. 3. c. 7. Ex eadem Familia, Ambrosius, ad Usuncassanem Persam misus, itineris diarium confecit. Gaspar, Cardinalis, contra Pomponatium, cuius auditor fuerat, de immortalitate Animae, scripsit. Ad Carolum V. missus, a Republ. dein in Germaniam, a Paulo III. Concilii Tridentini Praeses futurus, obiit A. C. 1542. Bononiae. Ioh. Casa, in vita eius. P. Iovius, in elog. Duces varii, ut Dominicus, A. C. 1044. qui reparatâ urbe Gradô, receptâ Zraâ, etc. obiit A. C. 1060. Iacobus, Istrianorum victor, Ducatu sponte cessit, A. C. 1280. Andreas, prudentiae laude inclitus, A. C. 1368. Franciscus, A. C. 1623. Nicolaus, A. C. 1630. Carolus, A. C. 1655. Vide P. Iustinianum, Balthas. Bonifacium, Elog. Contar. etc.